ក្រុមចោរបានប្លន់ម៉ូតូមួយគ្រឿងពីនារីម្នាក់ជាបុគ្គលិក \"ណាហ្គាវឺល\" យកទៅបាត់
19-July-2016 | ដោយ មែន កំសត់
ភ្នំពេញ ៖ក្រុមចោរមានគ្នា៤នាក់ជិះម៉ូតូ២គ្រឿងបានធ្វើសកម្មភាពភ្ជង់ កាំភ្លើងប្លន់យកម៉ូតូម៉ាកស្ស៊ូមមឺអិច(ZoomerX)មួយគ្រឿងពីនារី ម្នាក់បានសម្រេច ដោយសុវត្ថិភាព។ ហេតុការណ៍បានកើតឡើងនៅតាមបណ្តោយផ្លូវលេខ២៤៧ ស្ថិត ក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ កាល ពីវេលាម៉ោង១០យប់ថ្ងៃទី១៨ខែកក្កដាឆ្នាំ២០១៦។
ក្នុងហេតុកាណ៍នោះមន្ត្រីសមត្ថកិច្ចបានឲ្យដឹងថានារីរងគ្រោះ ឈ្មោះ វង្ស ចាន់រ័ត្ន ភេទស្រី អាយុ១៨ឆ្នាំ ជាបុគ្គលិក"ណាហ្គាវឺល"(NaGa World) ជិះម៉ូតូពណ៌លឿង មិនចាំស្លាកលេខត្រូវបានជនសង្ស័យមួយក្រុមមានគ្នា៤នាក់ ជិះម៉ូតូ២គ្រឿង បានជិះមកកៀរនិងធាក់ផ្តួលនារីម្នាក់ ប្លន់យកម៉ូតូបានសម្រេច។ប្រភពបានបន្តថានៅមុនពេលកើតហេតុគេបានឃើញ នារីម្នាក់ជិះម៉ូយូម៉ាកZoomerXមួយគ្រឿងតែម្នាក់ឯងតាមបណ្តោយផ្លូវ លេខ២៤៧។
ពេលមកដល់ចំណុចកើតហេតុស្រាប់តែមានជនសង្ស័យមួយក្រុមមានគ្នា៤នាក់ ជិះម៉ូតូ២គ្រឿងមកកៀរ និងធាក់ផ្តួលហើយបាន បង្ហាញកាំភ្លើងខ្លីនៅនឹងចង្កេះឲ្យគេឯងឃើញដោយមិនឲ្យនណារម្នាក់ ចូលជួយរួចលើកម៉ូតូជិះចេញទៅបាត់អស់។ក្រោយកើតហេតុនារីរងគ្រោះបាន ទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលបឹងសាឡាងទាំងសោកស្តាយ បំផុតដើម្បីឲ្យសមត្ថកិច្ចកំណត់មុខសញ្ញាតាមចាប់ជនសង្ស័យ៕
ចំនួនអ្នកទស្សនា
- ថ្ងៃនេះ1391
- ម្សិលមិញ6261
- សប្តាហ៍នេះ19771
- ខែនេះ134921
- ឆ្នាំនេះ134921
- សរុប20577377